Artistar Fjordblues 2015 - Fjordblues

Hovedmeny:

Artistar Fjordblues 2015

Historikk

Fjordblues 2015

Artistar:

Nick Moss Band (US) Laurdag

Dette er eit av dei heitaste bluesbanda i verda i dag. Med basis i den klassiske Chicago-bluesen har Nick klart å fornye, vidareutvikle og skape sin eigen stil der han blandar den klassiske bluesen med element frå rock og soul med fengslande rytmar og fantastiske melodiar. Med i bandet er også vokalist og gitarist Michael Ledbetter med bakgrunn som operasongar i Chicago. Eit svært dynamisk og spanande band som vi har store forventningar til. Det er ikkje utan grunn at dette bandet blir publikumsfavorittar overalt dei spelar.

«A perfect mix of tradition and innovation” Elmore Magazine

Nick Moss: gitar og vokal

Michael Ledbetter: gitar og vokal

Nick Fane: bass

Patrick Seals: trommer

Taylor Streiff: keyboard

Ian Siegal Band (UK) Laurdag

Frå England kjem denne gitaristen og songaren som har vunne eit utal av prisar og utmerkingar. Han har vunne heile 8 British Blues Award prisar m.a. i klassene for beste plate, beste bluesband, beste akustiske artist, beste låt og heile 3 gongar beste mannlege vokalist. Han er også medlem av the British Blues Award Hall of Fame. Han blir omtala som ein nasjonalskatt av britisk musikkpresse. Med sitt fantastiske band frå Nederland med fantomgitaristen Dusty Ciggaar i spissen får vi servert ein musikalsk gumbo som slett ikkje berre vil innehalde blues men ei unik blanding av blues, roots og americana.

“One of the most innovative, gifted and engaging blues performers on the planet today.” MOJO

Ian Siegal: gitar og vokal

Dusty Ciggaar: gitar

Raphael Schwiddessen: trommer

Danny Van’t Hoff: bass

Simon McBride (Nord-Irland) Fredag

Den heilage treeininga i Belfast si rockehistorie er Van Morrison, Rory Gallagher og Gary Moore. No må nok snart dette utvidast til eit firkløver. Dette seier vel det meste om Simon sine kvalitetar som artist. Ein svært begåva gitarist som ikkje legg skjul på sine irske røter i sitt gitarspel. Tøff bluesrock men også smektande balladar, gode låtar og fantastisk gitarspel er det du får når Simon entrar scena med sitt band.

“He’s a fret-meltingly intense soloist & a great slide player. Lovers of quality blues-rock step right this way.” Guitarist Magazine

Simon McBride: gitar og vocal

David Marks: bass

Martin McCloskey: trommer

Ina Forsman with Helge Tallqvist Band (FIN) Fredag

Ei finsk jente på 20 år som syng klassisk 1950-tals blues er slett ikkje kvardagskost. Dette er eit talent av dei sjeldne. Etter å ha nådd finalen i den finske utgåva av talentshowet Idol som 17 åring blei ho teken under vingane til Finland si store munnspellegende Helge Tallqvist. Når Ina blandar klassiske blueslåtar frå artistar som Muddy Waters, Slim Harpo og Etta James med låtar frå artistar frå sin eigen generasjon som Christina Aguilera, Amy Winehouse og the Black Keys så høyrest faktisk dette heilt naturleg ut. Med si enorme stemme og utstråling så kan dette vere jenta som kan opne augene og øyrene for blues også blant eit yngre publikum. Fjordblues er hennar fyrste opptreden i Norge.

Ina Forsman: vokal

Helge Tallqvist: munnspel

Niko Pekka Votkin: trommer

Liro Kautto: bass

Yrjø Toivo Putkinen: gitar

JT Lauritsen & the Buckshot Hunters (NO) Laurdag

Jan Tore eller JT som alle kjenner han som er ein nestor i norsk blues. Han mottok Notodden Blues Music Award som er norsk blues si høgaste utmerking i 2014. I mars i år representerte bandet Norge under European Blues Challenge i Brussel der dei oppnådde ein ypperleg 3.plass. JT trakterar trekkspel som er eit heller lite brukt instrument i bluessamanheng noko som gjev bandet eit særpreg. Dette er musikk med røtene djupt planta i dei amerikanske sørstatane. Musikk som garantert skapar god stemning og fyller dansegolvet !

Jan Tore Lauritsen: vokal og trekkspel

Arnfinn Tørrisen: gitar

Ian Fredrick Johannessen: gitar

Jon Grimsby: trommer

Atle Rakvåg: bass

Stefan Seger: munnspel

MK’s Marvellouse Medicine (NO) Laurdag

Denne trioen med gitarist og vokalist Marie Kristin Dale i spissen har kome som eit friskt pust i norsk blues og rock det siste året. Marie Kristin er ein rå gitarist som verkeleg har imponert mange. Med sin bluesete og groovy «Post Hendrix» bluesrock vinn trioen stadig nye fans. Debutplata kjem i haust der superprodusenten Yngve L. Sætre har styrt spakane. Sjekk ut dette bandet du også og finn ut kvifor dette er bandet «alle» snakkar om etter sine festivalopptredener på Bergen Fest, Notodden og Skånevik.

Marie Kristin Dale: gitar og vocal

Felix N Rudi: trommer

Stian Brungot: bass

Staale Dimmen & Blaa Mixture (NO) Torsdag

Dette bandet er samansett av garva musikarar busett på Sunnmøre. Med Ståle Dimmen i front lirar dei frå seg ny sunnmørsblues på kav dialekt, men også eit knippe udødelege amerikanske bluesklassikarar. På barnekonserten blir det både noko eige materiale på dialekt men også nokre «klassiske» barnelåtar framført i bluesdrakt. Etter barnekonserten i Trivselshagen vert det festivaloppkøyring i Kjellaren på Gloppen Hotell.

Ståle Dimmen: gitar og vokal

Peter Demirov: orgel og tangentinstrument

Lars Inge Bjørneset: bass

Bjørn Roger Hagen: trommer

Firda Jazz Kvartett (NO) Laurdag

Som namnet seier så er dette ein jazzkvartett samansett av elevar frå Firda vgs. Dei spelar det meste innan tradisjonell jazz, som for eksempel standar jazz, be bop og blues-jazz .

Emil Horstad: Piano/ Trekkspel

Bartek Galek: El-bass

Peter Kollstrøm Heilevang: El-gitar

Mats Høstaker: Trommer

Silo (NO) Fredag

Bandet har sitt utspring frå Firda vgs og har spelt saman i litt over eitt år. Det blir for det meste blues men dei er også opptatt av andre sjangrar og spelar variert musikk. Særleg likar dei å gjere sine eigne versjonar av gamle låtar.

Håvard Lågeide - Bass

Oliver Igland - Trommer

Iver Strand Senneset - Gitar

Halvor Nesbakk - Vokal