Courtney Hadwin (UK)

Warner E. Hodges International Allstars with special guest Stacie Collins (US/SE)

Kid Andersen Band (N)

Spoonful of Blues (N)

Ward Hayden & the Outliers (US)

Fleire artistar vert annonsert i juli og august

Fjordblues 2026

Sandane 15.-17.oktober

Fjordblues nummer 29 i rekka vert arrangert 15.-18.oktober. Hovudscena er som tidlegare år Gloppen Hotell med si intime stemning der du kjem tett på artistane. Fjordblues er som alltid garantist for gode konsertopplevingar med nasjonale og internasjonale artistar som byr på ei god blanding av blues, roots, americana og rock & roll.

Courtney Hadwin er eit rått og energisk talent med ei stemme som treff rett i sjela. Den britiske songaren slo gjennom med sin eksplosive opptreden i America’s Got Talent berre 13 år gamal, Sidan har ho imponert med ein kraftfull miks av blues, rock og soul inspirert av ikon som Janis Joplin og James Brown. På scena leverer ho med intensitet, nerve og ein heilt unik tilstedeværelse – ei oppleving som garantert vil sette spor.

Warner E. Hodges International All Stars med special guest Stacie Collins byr på ein eksplosiv miks av southern rock, blues og country. Stacie var ein hyppig og ettertrakta gjest på norske scener for nokre år tilbake. Etter at hennar ektemann og musikalske partner døde brått i 2021 la ho musikken på hylla. No er ho imidlertid tilbake full av energi. Saman med Warner E Hodges med bakgrunn frå mellom anna Jason and the Scorchers og eit stjernelag av musikarar.

Kid Andersen, vår største internasjonale bluesstjerne og gudebegåva gitarist stiller med sitt norske band. Kid er busett i San Jose i California der han i sitt studio «Greaseland» har produsert over 150 album der mange har vunne prestisjetunge prisar. Han har også norsk Spellemannpris i premieskåpet. Ward Hayden and the Outliers frå Boston er ein lykkepille av eit band som miksar americana, country og rock and roll. Dei har opparbeida seg eit fenomenalt rykte som live band og har blitt store publikumsfavorittar på festivalar og klubbscener både i USA og Europa.

Frå blueshovudstaden Notodden, kjem Spoonful of Blues, eit av flaggskipa i norsk blues. Med solid groove og ekte speleglede leverer dei blues slik han skal vere: direkte, ærleg og med røter som går djupt.

Dette er artistar som i skrivande stund er klar for Fjordblues. Det manglar framleis 4-5 spanande artistar før plakaten er komplett. Følg oss på sosiale medier, Facebook og Instagram for oppdateringar.