Årets lineup er omfattande og variert. I tillegg til sterke blueskort har årets festival ein sterk americana og roots profil på hand. Fleire av artistane på årets program kan du oppleve for aller fyrste gong i Noreg.

Frå Wales kjem det fremadstormande bandet Cardinal Black som kjem rett frå Joe Bonamassa sitt blues cruise i Middelhavet. Dette er eit band inspirert av dei klassiske bluesinspirerte rockebanda frå 1970-talet med ein sjelfull vokalist og eit gitarist i verdsklasse. Dei vitjar Noreg for første gong. Frå Australia kjem bandet Kingswood som også får sin Norges-debut på Fjordblues. Etter 8 veker på førsteplass på Australia si countryliste og over 100 konsertar i Australia det siste halvåret så er dette hardsvinganede americana/roots bandet klar for Fjordblues.

Frå San Diego, California kjem Chickenbone Slim and the Biscuits med Laura Chavez på gitar. Chickebone miksar Texas og Chicago blues med Roots Rock, Swing and Americana. Supergitaristen Laura Chavez vant for nokre månader sidan som første kvinne, prisen som beste bluesgitarist i Blues Music Awards si prestisjefylte kåring. Chickenbone sitt rykande ferske album «Damn Good & Ready» er forøvrig produsert av Kid Anderson. Det blir også gjensyn med Hannah Aldridge, dronninga av «Americana Noir» frå Muscle Shoals, Alabama. Denne gongen kjem ho med fullt band. I bandet har ho med seg Katie Bates frå Australia og Jordan Dean frå USA. Begge desse vil gjere eigne konsertar under Fjordblues.

Frå Sverige kjem The Kokomo Kings som har eit renommè som eit ypparleg live band med sin kompromisslause «low-down rocking roots-music» med solide røter i bluesen. Årets unionsband, vinnar av fjorårets bluescup på Notodden, Odin Landbakk kjem også. Gitarvirtous Odin Landbakk 21 år, blei landskjent i 2015 etter at han gjekk til topps i TV2-suksessen Norske Talenter. Det lokale innslaget på årets Fjordblues kjem frå T.O.R. (Teachers of Rock) som er samansett av lærarar ved Gloppen Ungdomsskule. Dei har verkeleg gjort seg bemerka i Gloppen det siste året og skal rocke både Fjordbluespublikummet og skulelevar under Fjordblues.

Vi ynskjer velkommen til årets Fjordblues !